ابو عيد
08-15-2007, 08:25
القيت هذه القصيده امام حفل من احتفالات المنطقه الشرقيه قبل سنه او اكثر
ونقلت عني في منتديات شعريه متخصصه
هي مجرد محاوله لمجاراة الشعر
اقرض الشعر على على قدر جهدي وطاقتي
فاعذروا تقصيري ..
بداية قولنا ذكر الاله الخالق الرحمن = إله ٍ نطلبه خير الحياة وخيرة ٍ فيها
كريم ٍ مكسي جنوب العباد ومنزل القران = خلق خلقه على الفطره يسوّيها ويكسيها
بعد ذكره تعالا تصفي الاوزان والقيفان = مبادي في عرب ماقد تنحّت عن مباديها
جمح خيل القوافي يوم لي فيها رسن وعنان = اسايرها على القاله وتحلى لي قوافيها
تحوم الحايمه وتثبّت النظره على القيعان = تعيش براس مزموم الجبل وتعف واطيها
الى من طار قرناس الحرار بعالي الوديان = تشوف الموت ديبان الخلا من قبل ياتيها
يلطّخ مخلبه بالدم الاحمر ويعتلي طربان = على ماقد حصل تشهد نوايفها وواديها
صدق من قال ياطير الفلا ياطيرنا شقران = على اللي يجهل الهدّات يقنيها ويشويها
فعوله مثل صولات العرب في سالف الازمان = على وقت الرجال اللي تعادي من يعاديها
هل الفعل الذي يرسل شذاه بساحة الفرسان = نسيم المجد والتاريخ يكتبها ويمضيها
على ذكر الرسول الهاشمي من خيرة العربان = عليه افضل سلام وراية التوحيد يبديها
جهر بالحق واعلنها وهدّم باقي الاوثان = صدح باسم الله الواحد على الكفر ومواليها
على الصدّيق والفارون على عثمان بن عفان = على سيرة علي بالعز والاسلام راعيها
على اصحاب الرسول اجمع عليهم مننا رضوان = على اتباع الصحابه ومن تبعهم لين يفنيها
على هارون والحجاج والفاتح وابو ظبيان = على ابن زياد وابن العاص في البحر وصواريها
على السيد قطز وابوعبيده من رجال الشان = على مجدك سلام وندعي الله في تواليها
على حرب العجم والفرس على حرب ٍ على الرومان = رسى مركب هل الامجاد واستامن موانيها
وصارت دولة وحده من الافغان للاسبان = تحت راية اسود الحق تصبـّحها وتمسيها
يقوله كل ماتنشي سحب هلّت على الاوطان = تسوق بخيرها داري من اقصاها لدانيها
رجال ٍ لابسين من الشرف والفايده تيجان = ملوك ٍ ماتقيصر مجدها بأعلى عواليها
همم فوق القمم والمرجله في صدرهم نيشان = صقور ٍ مدت الكفّه وصادت من حباريها
وجيل ٍ يلحق بجيل ٍ بممشى سيّد الثقلان = ونصر ٍ يتبعه نصر ٍ من الله بين اياديها
تزاحم في وريدي طاري الابطال والشجعان = اعيش بوقتها واحلم بها واسمع حكاويها
فخر يملي احاسيسي من الشريان للشريان = هنيت بحلمي العابر على طاري حلاويها
صحيت وجرحي الظالم يراقبني من البيبان = تقول الماضيه راحت وخلك في تواليها
هدر دمك جنود الكفر في دار ٍ ورى النهران = وصرتوا بعد ذاك العز قطيع ٍ بيد راعيها
غثاء ٍ مثل سيل الوادي اللي طار به شيهان = تمروّن المصايب واعلنت فيكم تحديها
من ارض الرافدين الدم يجري بك من السربان = من الواد المقدّس دمك الطاهر يسقّيها
من السودان .. للكشمير ..لدار السند .. للشيشان = عمار ٍ يسبقه ذل ٍ يوالفها ويبغيها
دمار ٍ شتت املاكك وخلاّكم كما الغربان = تعيش وتنبش الجثّه على باقي مراميها
وصمت ٍ يعلن الحسره على ماقد جرى او كان = ومالك حيل غير انك تصبّر من بلاويها
ألم .. نزف الجروح .. تبوح .. تكتبها على الجدران = أسى .. قهر الرجال اللي تهاون في مساريها
خيانه .. غدر .. في صدر الجريح وامّة الفرقان = ونار ٍ توقد الفتنه .. على ناس ٍ تورّيها
عماله .. كلمة ٍ تدمي .. وشعب ٍ حاير ٍ جوعان = يصدّق في تفاهات الزمان اللي يجاريها
يرددها عبارات ٍ تهز الروح والوجدان = يقسّم في معاناته ويكتبها ويمحيها
عقول ٍ رددت شيخ الشيوخ ومفتي السلطان = تزيد الهم فوق الهم من يسمع مساويها
مع ذالك تجينا الفاتنه في صفحة الاعلان = تروّج للرذيله ناس توحيها بذانيها
الا تفاحة البصره تغار بطلعة الرمان = الا يم العيون اللي تساوي من يساويها
الا يا درّة الشاطي وعقد اللول والمرجان = فدوك رجال نسل اللي معرّبة ٍ مجانيها
قريب النصر في وقت الشدايد من ورى الحدّان = نماريها ونرقبها ونسعى في مساعيها
قريب تشوف ثورتنا تعدّى ثورة البركان = قريب النمر مايبقي من القوّه حصانيها
مادام الجند جند الله على الله دايم التكلان = يبدّل حالة الامه ويرحمها ويجزيها
عبدالله بن عيد
.........
ونقلت عني في منتديات شعريه متخصصه
هي مجرد محاوله لمجاراة الشعر
اقرض الشعر على على قدر جهدي وطاقتي
فاعذروا تقصيري ..
بداية قولنا ذكر الاله الخالق الرحمن = إله ٍ نطلبه خير الحياة وخيرة ٍ فيها
كريم ٍ مكسي جنوب العباد ومنزل القران = خلق خلقه على الفطره يسوّيها ويكسيها
بعد ذكره تعالا تصفي الاوزان والقيفان = مبادي في عرب ماقد تنحّت عن مباديها
جمح خيل القوافي يوم لي فيها رسن وعنان = اسايرها على القاله وتحلى لي قوافيها
تحوم الحايمه وتثبّت النظره على القيعان = تعيش براس مزموم الجبل وتعف واطيها
الى من طار قرناس الحرار بعالي الوديان = تشوف الموت ديبان الخلا من قبل ياتيها
يلطّخ مخلبه بالدم الاحمر ويعتلي طربان = على ماقد حصل تشهد نوايفها وواديها
صدق من قال ياطير الفلا ياطيرنا شقران = على اللي يجهل الهدّات يقنيها ويشويها
فعوله مثل صولات العرب في سالف الازمان = على وقت الرجال اللي تعادي من يعاديها
هل الفعل الذي يرسل شذاه بساحة الفرسان = نسيم المجد والتاريخ يكتبها ويمضيها
على ذكر الرسول الهاشمي من خيرة العربان = عليه افضل سلام وراية التوحيد يبديها
جهر بالحق واعلنها وهدّم باقي الاوثان = صدح باسم الله الواحد على الكفر ومواليها
على الصدّيق والفارون على عثمان بن عفان = على سيرة علي بالعز والاسلام راعيها
على اصحاب الرسول اجمع عليهم مننا رضوان = على اتباع الصحابه ومن تبعهم لين يفنيها
على هارون والحجاج والفاتح وابو ظبيان = على ابن زياد وابن العاص في البحر وصواريها
على السيد قطز وابوعبيده من رجال الشان = على مجدك سلام وندعي الله في تواليها
على حرب العجم والفرس على حرب ٍ على الرومان = رسى مركب هل الامجاد واستامن موانيها
وصارت دولة وحده من الافغان للاسبان = تحت راية اسود الحق تصبـّحها وتمسيها
يقوله كل ماتنشي سحب هلّت على الاوطان = تسوق بخيرها داري من اقصاها لدانيها
رجال ٍ لابسين من الشرف والفايده تيجان = ملوك ٍ ماتقيصر مجدها بأعلى عواليها
همم فوق القمم والمرجله في صدرهم نيشان = صقور ٍ مدت الكفّه وصادت من حباريها
وجيل ٍ يلحق بجيل ٍ بممشى سيّد الثقلان = ونصر ٍ يتبعه نصر ٍ من الله بين اياديها
تزاحم في وريدي طاري الابطال والشجعان = اعيش بوقتها واحلم بها واسمع حكاويها
فخر يملي احاسيسي من الشريان للشريان = هنيت بحلمي العابر على طاري حلاويها
صحيت وجرحي الظالم يراقبني من البيبان = تقول الماضيه راحت وخلك في تواليها
هدر دمك جنود الكفر في دار ٍ ورى النهران = وصرتوا بعد ذاك العز قطيع ٍ بيد راعيها
غثاء ٍ مثل سيل الوادي اللي طار به شيهان = تمروّن المصايب واعلنت فيكم تحديها
من ارض الرافدين الدم يجري بك من السربان = من الواد المقدّس دمك الطاهر يسقّيها
من السودان .. للكشمير ..لدار السند .. للشيشان = عمار ٍ يسبقه ذل ٍ يوالفها ويبغيها
دمار ٍ شتت املاكك وخلاّكم كما الغربان = تعيش وتنبش الجثّه على باقي مراميها
وصمت ٍ يعلن الحسره على ماقد جرى او كان = ومالك حيل غير انك تصبّر من بلاويها
ألم .. نزف الجروح .. تبوح .. تكتبها على الجدران = أسى .. قهر الرجال اللي تهاون في مساريها
خيانه .. غدر .. في صدر الجريح وامّة الفرقان = ونار ٍ توقد الفتنه .. على ناس ٍ تورّيها
عماله .. كلمة ٍ تدمي .. وشعب ٍ حاير ٍ جوعان = يصدّق في تفاهات الزمان اللي يجاريها
يرددها عبارات ٍ تهز الروح والوجدان = يقسّم في معاناته ويكتبها ويمحيها
عقول ٍ رددت شيخ الشيوخ ومفتي السلطان = تزيد الهم فوق الهم من يسمع مساويها
مع ذالك تجينا الفاتنه في صفحة الاعلان = تروّج للرذيله ناس توحيها بذانيها
الا تفاحة البصره تغار بطلعة الرمان = الا يم العيون اللي تساوي من يساويها
الا يا درّة الشاطي وعقد اللول والمرجان = فدوك رجال نسل اللي معرّبة ٍ مجانيها
قريب النصر في وقت الشدايد من ورى الحدّان = نماريها ونرقبها ونسعى في مساعيها
قريب تشوف ثورتنا تعدّى ثورة البركان = قريب النمر مايبقي من القوّه حصانيها
مادام الجند جند الله على الله دايم التكلان = يبدّل حالة الامه ويرحمها ويجزيها
عبدالله بن عيد
.........