•●¦[ آآآآآهـ يآإلبنآت ]¦●•‎

[بّـِـِرڪـيّه وأفّتخ’ـَـَر●•]

ماراح اتكلم بأسلوب وشسمه بأتكلم بأٍسلوبنـآ كـ بنـآت..





بنـآت..




مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..




بنات لبسو عبايات كتف وبناطيل و و و لكن ايش..




تركو السوق والتلفزيون والاغاني وجو للمسجد ..




وش معنى هذا..!




مو معنى المسجد




يمكن صليتي في بيتك ورفعتي يدك ودعيتي من قلبك..




وبـ ذلك بكيتي والشيخ يدعي..




تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }




وتسمعين { سبحان من ستر القبيح واظهر الجميل },,




تسمعين يقول { سبحانك تطاع فـ تغفر وتعصى فـ تغفر }..




تبكين من قلبك او يعورك قلبك ..




تحسين انك صح كذا تحسين فجأه انك ولا شي




يعني وش سوينا نحس ان حنا مغترين بأنفسنا..




تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده ..




معقوووووول.!




ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..




بنات الى متى انا وانتو كذا..




قسم بالله مهيب حاله يعني يجيني حاله اقول ودي اني بعهد الصحابه ..




الى متى وحنا بغفلتنا,,




نصلي ونبكي و و..




يجي العيد وبعد العيد ونرجع لخنبقتنا وننسى ..




طيب انا وانتي خلينا نفكر بـ شي من الحين دام الهمه فيني وفيك الحين..




مثلا نسوي صندوق بالبيت او بغرفتك كل يوم حطي ريال ..




بدل هالشيبس اللي كل يوم نجيب 4 للشله..




نتبرع بريال للصندوق ...




وريال على الريال تصير 10..




تدرين ليه ريال عشان ماتثقل عليك واللي لها قدره الله يجزاها خير..




وعطيها مثلا هاللي ينظفون بالاسواق ولا سواقكم ولا شغالتكم ..




تراهم ماجو هنا الا للحاجه..




واذا كانت تتعنفق ولا تنافخ ..




خلي قلبك اكبر واكسبيها باجر ربي وماجوووووووووره,,




ولسانك ..




اللعن ..




زي العاده ..




شفتو ابله فلانه الله ..... تستهبل هي وواجباتها..




ولا الدكتور/هـ ودي اذبحها الله .........




ولا اخوي الحمـ.... فصل النت .الله .......




عودي نفسك تتركين العاده ..




اذا لعنتي فجأه عاقبي نفسك واستغفري 40 مره مثلا =)..




واحسني خلقك مع أي احد..




تدرين الابتسامه لها اجر..




تمر وحده من جنبك .. لاتمدين الكشره متر ..




لا ابتسمي..




انا مره رحت مكان ماعرف احد فيه وفيه بنت ابتسمت لي تمنيت اني هي..




الابتسامه لها دوووووووووووووووووور..





عبايتك ..




انتي عارفه خطأك اكيد بس خليني اقولك عن شي..




مره كانت فاطمه بنت النبي تبكي من قلب وتصييييييييييييييييييح..




جتها عائشه رضي الله عنهم جميع..




تقولها مابالك .!




اعلمك وش قالت ..؟!




قالت بمجمل كلامها على فهمي.. الحين إذا انا مت وشالوني الرجال بييبن جسمي وبيبان خصري




يعني شكل جسمي بيبان..




اذا فاااااااااااااااطمه بنت الرسول كذا تفكيرها




وهي الحين ميته..




وحنا العبايه واسعه لكن مع الشنطه وشد العبايه مع الخصر يبان كل شي




بنات تكفون خلونا نتغير ..




وربي ماراح ينفعنا شي..







واللي ابتليت بجوال مع الشباب ولا الماسن..




تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ




وش ردك عليه..!




بنات والله ماينفعك..




تدرين ليه اقول كذا .. لاني اعرف كثير وعارفه هالشي صعب..




لكن احببببببببببببببببك
لاني احس انو شي صعب بس من ترك شي لله عوضه الله خير منـه..




اتركيه هالشخص ووضحي له انك تعدلتي..




شي احسن من لاشي ..




صح علي..




حاولي و حاولي وحاولي..




وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..




بنات..




تكفون .. =)..




عدلي لو شي واحد وادعي لربي لنفسك دائم..




صح ولا انسى الاغاني والافلام الامريكي والكوري<~ يارب صبرنا وأعنا..




اذا انحطيتي بقبرك ماراح يٍسألو عنك ..




بتنحطين بقماش وذنوبك معك..





حاولي انك دايم تذكرين صحباتك بالجنه والاشياء ..




تخيلو اليوم سمعت عن قصه ..




في اثنين أصحاب ..




كانو قاعدين بمكان <~ اجل وين..




المهم..




قامو يتكلمون عن الجنه والنار والخ.!




واحد دمعت عينه بذكر النار خاف منها..




بعدها بمده توفى صاحبنا ..




وجاء لخويه بالحلم ..




قاله صاحبه يافلان وش اخبارك..!




قال اخباري..




انا بالفردوس الاعلى اعلى شي بالجنه..




قاله صديقه ليه..؟




قال تذكر يوم نقعد نسولف انا وانت وذكرنا النار ودمعت عيني..




هذا اللي دخلني الجنه..





شفتي ربي قد ايش كريم..




وربي ربي شي كبيييييييييييييييييييييييير..





بنات..




طولت عليكم..





بس وربي ضايق صدري ع حالنا هالبايخ..




تكفون خلينا نتحمس سواء ونتعدل مع بعض..





الله يخليكم..




لي طلب اخيرا..




اذا اعجبك الكلام وعارفه اسلوبي مدري وش يبي...




بس خذيييه و حطيية بايميل و ارسليه لاقرب شخص لك ..




اللي تحبينها وتخافين عليها..




من نار جهنم..




لا يقولك هالسخيف<~ تقصد ابليس




(لاترسلة مشوااار....إلخ)




كلامه المعروف..




لا خذي اجر لو سمحتي..




واخيراً..<~ ياكثر الاخيرا




لاتنسووني من دعاءكم ..
م/ن..من إيميلي

[خارج النطاق]

الفاضلة بركية وافتخر --
بارك الله فيك وجزاك الله خير وجعله في ميزان حسناتك --

[الخيال]

http://up4.m5zn.com/9bjndthcm6y53q1w0kvpz47xgs82rf/2010/1/9/12/77qkvi6ox.gif

[درة مكنونة]

موضوع جميل ..
جزيتي الجنة..
تقبلي مروري..

[ديني يقيني]

جزآكـِ الله خييير ..

شـكــ وبارك الله فيك ـــرا لك ... لك مني أجمل تحية . .

[بّـِـِرڪـيّه وأفّتخ’ـَـَر●•]

نورتم..حبايبي~

[ابومساعد]

بسم الله الرحمن الرحيم
السلام عليكم ورحمة الله وبركاته

بركية وافتخر جزاك الله خير ، توجيهات ونصائح في قالب مميز نتمنى الا ستفادة منها
نفع الله بك وجعله في ميزان حسناتك .
موفقة ان شاء الله .

[بركية غير]

من جد موضوع يستااااهل التقييم

مشكورة ونقل مميز ,,

الله يغفر لنا ,,

[الخاطرة]

السلام عليكم ورحمة الله وبركاته


نصائح مميزة ، من كتبتها تعيش في جو الشباب الفاتن

بركية أحسنت الاختيار وفقك الله وصرف عنك كل سوء

ولا حرمك الله الأجر

[بّـِـِرڪـيّه وأفّتخ’ـَـَر●•]

ويــــــاكم يـــــــــارب..أسعدني تواجدكم=)

[زهرة الجنوب]

بركية وافتخر موضوع في غاية الأهمية والروعة ايضاً

نعم هذا حال الكثير مناوالغالب على الموضوع والمشكلة عندنا هو التسويف

سوف التزم سوف اتصدق سوف اترك الأغاني سوف سوف ورحنا فيها ولا صار شي من هذا كله

ولكن نقول إلى متى نعم إلى متى،،،

لابد من التغييرونخطوا خطوة جادة

اللهم اصلح حالنا واحوالنا

اختى العزيزة بركية وافتخر نفتخر بقلم رائع مثل قلمك واخت تحب الخير لبقية أخواتها فلا تحرمينا من جديدك بارك الله فيك

دمتِ في حفظ الله ورعايته...

[بّـِـِرڪـيّه وأفّتخ’ـَـَر●•]

ويـــأكَ يارب~
آآسع’ـَـَـَدني التواج’ـَـَد..:Emoticon 3: